الاشتباه فإصابة جوج مغاربة ب”كورونا” فصبيطار مولاي عبد الله فسلا

علمت “كود” من مصادر مطلعة بللي تم إخضاع جوج أشخاص للحجر الصحي فمستشفى الأمير مولاي عبد الله فسلا، هذ الصباح، بعدما شكو لا يكونو مصابين بفيروس “كورونا” المستجد (كوفيد 19).
المصادر نفسها أكدات بللي هذ الجوج كانو جايين فنفس الطيارة اللي كان فيها المهاجر المغربي اللي كيسكن فإيطاليا، وتم ثبوت إصابتو بالفيروس ووضعو فالحجر الصحي وتحت المراقبة الطبية.
وتم الاحتفاظ بالمواطنين ريثما يتم التأكد من إصابتهم بالفيروس ولا لا، بعدما تم إرسال التحليلات للمختبر.
وكان وزير الصحة أكد، فندوة تواصلية مع الصحافة، بللي التحليلات ديال “كورونا” كتاخد بين 4 ساعات و5 ساعات باش تخرج.