واش ضربنا الله حتى لهاد الدرجة! الدولة وقفات والقيامة قامت ف البلاد على مجحوم الزعيتر

القيامة قامت ف البلاد بسبب “كلب” أبوزعيتر. مدينة سلا السبت الفايت شهدات استنفار أمني كبير حقاش هاد الكلب تسرق للبطل العالمي ف رياضة فنون القتال اللّي حاسب فراسو منعرف شكون هو.
وحسب يومية “الصباح”، فإن البوليس نوضو القيامة على هاد الكلب وتم التنسيق مع مصالح ولاية أمن الرباط اللي كانت دايرة لابيرمانوص. هاد الكلب حرك مسؤولين كبار ف البوليس وحتى فرق أمنية استنفرات باش تلقا الكلب ديال المسمى أبوبكر أبوزعيتر. وماشي غير هادشي جاو يا سيدي حتى الشرطة العلمية والتقنية.
البوليس تحمنو مع هاد الكلب اكثر من جوج ساعات ولقاوه يا سيدي فشي دار بالمدينة العتيقة وشدو السيد اللي يشتبه فيه بأنه سرق هاد الكلب لي صدقات ليه ورجع محظوظ عند الاجهزة الأمنية.
دابا باش كيحسو اللي كيقلبو! كورونا فيروس ما يدبروش عليه هاد الشي. شكون هاد الزعيتر فهاد لبلاد. بزافت الناس كيمشيو ليهم كلابهم. ما كيديها فيهم حد. منين خرج لينا هادا كلشي كيقلب على مجحومو