لجنة النمودج التنموي “تكيفات” مع “الجبهة” و”باب برد”. لحشيش غطى اللقاء

اللجنة الخاصة بالنموذج التنموي مشات في نهاية الأسبوع للشمال ديال المغرب، و لمناطق عندها إمكانيات سياحية و فلاحية و ثقافية كبيرة و لكن كتعاني من بزاف المشاكل: وزان، الشاون، الجبهة و باب برد.
اللجنة ديال شكيب بنموسى التقت بالناس ديال هاد المناطق والجمعيات اللي كاينة فيها و تحدثو مع اللجنة بصراحة على اشنو خاصهم و المقترحات ديالهم. في باب برد، النقاش كان حامي لخصوصية المنطقة التي تتواجد فيها هذه الجماعة و المعروفة بإنتاج الكيف.
أغلبية التدخلات ديال السكان تطرقت لهذه النقطة و طالبت بايجاد حل حقيقي و دائم لهذه المشكلة، وكان داخل القاعة ومن خلال النقاش جوج ديال التوجهات : فئة تطالب بايجاد حلول و زراعات بديلة و حقيقية اللي يمكن تقنع المزارعين بالتخلي عن “الحشيشة“ وفئة أخرى كتشوف بأن الحل هو قانون يأطر زراعة الكيف المتواجد تاريخيا بالمنطقة ولوضع حد للمتابعات التي تطال آلاف المزارعين بشمال المغرب ولكي تخرج البلاد من التناقض حيث ان الكل عارف بأن مناطق كاملة تعيش من زراعة القنب الهندي. اللجنة ديال النموذج التنموي استمعت لهاد الناس و سجلت المقترحات ديالهم.