المخابرات الالمانية والمريكانية كتتجسس على المغرب هادي كثر من 50 عام

فتحقيق نشراتو قناة “ZDF تسد دي إف” الألمانية والتلفزيون السويسري وصحية “واشنطن بوست”، استعرضات تقارير مصنفة وكاملة دارتهم مخاربات الخارجية الأمريكية ووكالة الاستخبارات المركزية “سي آي إي” كشفات باللي الولايات المتحدة والمانيا كايتجسسو 50 عام هادي على مجموعة من الدول، من ضمنهم المغرب والجزائر وتونس.
أكثر من 120 دولة ربحات ملايين الدولارات من بعد ما دارت عقد مع شركة “كريبتو آج” (Crypto AG) السويسرية، باش تجيب برودوياتها، لكنها تعطلات باش تعرف بللي هاد الشركة تابعة ل”سي آي إي” (CIA) من سنة 1970، وحتى الكليان ديالها ماكانش فراسو الخبار.
وحسب مصادر المنابر الإعلامية الثلاث، فممكن تكون الغاية من هاد التجسس هي محاربة بؤر الجريمة والإرهاب والتطرف، لكن اعتبراتها فنفس الوقت غير أخلاقية.
وكانت المخابرات الألمانية كتربح من عمليات التجسس هادي بزاف دالفلوس، ومكانت حتى شي رقابة على هاد الاموال من طرف لجنة الموازنة فالبرلمان أو الجهاز المركزي للمحاسبات فألمانيا.
وفتصريحو للقناة الألمانية، أكد رئيس الوزراء الألماني بِرند شميدباور بللي المخابرات الألمانية قطعات علاقتها مع “سي آي إي” من 1993.
وكانت الاجهزة اللي جابت هاد الدول وسيلة للتجسس فيد الألمان والميريكان، اللي استعملوها باش يعرفو الشادة والفادة على الكليان اللي شراوها.