ثقة فالنفس زايدة على القياس.. دنيا باطمة: عمر صوتي ماكان ولا غادي يكون ليه منافس.. وجمالي جمال من زمان – ستوريز

المغنية دنيا باطمة لي متابعة في قضية حسابات حمزة مون بيبي، خرجات البارح وبدون مقدمات كتشكر في صوتها وفي جمالها.
دنيا لي متابعة في حالة سراح هي وختها بعدما حطو كفالة ديال 80 مليون، نشرات فيديوهات وهي كتغني في برنامج “أراب آيدول” وكتبات عليهم أن صوتها ماكاينش بحالو وعمرو غادي يكون.
وكتبات في ستوري على حسابها في انستگرام: “جمالي جمال من زماااان.. وصوتي ماكان ولا راح يكون له منافس من زمان حتى الآن”.
هاد الكلمات لي حطات خلاتها محط انتقاد حيت هادشي كيتسمى حسب المعلقين الثقة في النفس الزايدة وفشور وعياقة.
وعدد من المعلقين قالو أنه في هاد الوقت من الأحسن ليها تلتزم الصمت، ومتبقاش تلفت الانتباه بهاد الفعايل.