بنشعبون عطا فلوس الاعلانات القانونية ل3 جرائد مابقاتش كتصدر

قال موقع “مغرب أنتلجنس” ان وزير المالية محمد بنشعبون قام بإدراج أسماء جورنالات ميتة فلائحة الجورنالات اللي غتستفد من فلوس نشر الإعلانات القانونية، واللي كيتم نشرها فالجريدة الرسمية.
وحسب الموقع ذاتو، فالوزير مرر فلوس الإعلانات لثلاث جورنالات مابقاتش كتصدر، وهي “لو سوار إيكو” لسعد التازي، و”لا كَازيت دو ماروك” لكمال الحلو، وجورنال “المغرب” السابقة اللي كانت تابعة لحزب التجمع الوطني للأحرار.
وطلب الموقع من الوزير أنه يرد البال شوية، ويستشر المجلس الوطني للصحافة وفيدرالية الناشرين قبل ما يدوز فلوس الإعلانات لجرائد انقارضات.
وفعلا وردت أسماء الجرائد المعنية فالعدد الأخير من الجريدة الرسمية الصادر في 6 فبراير 2020.