ماحدها تقاقي وهي تزيد فالبيض.. شكاية جديدة ضد دنيا باطمة فقضية عصابة “حمزة مون بيبي” – فيديو

في الوقت لي ضربات المحكمة في مراكش البارح الثلاثاء سكينة كلامور ومحمد ظاهير وعدنان “مول الفيراري” بالحبس 6 سنين مقسومة عليهم بثلاثة في قضية عصابة “حمزة مون بيبي”، مازال الشكايات ضد دنيا باطمة لي متابعة في حالة سراح مستمرة.
الممثلة والمانكان جليلة لي مستقرة في دبي علنات في برنامج تلفزي أنها رفعات دعوى على دنيا باطمة وختها في قضية التشهير بيها عبر الحساب، وأنها رفعات الدعوى عن طريق السفارة المغربية في الامارات.
وأكدات جليلة لي كان كونط “حمزة مون بيبي” دار عليها الحرب بسبب المصممة المغربية بسمة بوسيل وراجلها المصري تامر حسني، أنها غادي تنزل للمغرب الشهر الجاي باش تاخد حقها.
ومازال المغنية دنيا باطمة متابعة في حالة سراح هي وختها بعدما خلصو كفالة ديال 80 مليون ولحد الان ممنوع عليهم يخرجو من المغرب.