حيت كان “حمزة مون بيبي” ديما شاكرها وجاي من جهتها.. بسمة بوسيل مسحات السما بليگة ودافعات على باطمة -فيديو

المصممة المغربية بسمة بوسيل دارت حوار داز في “الامارات نيوز” ودافعات فيه على المغنية دنيا باطمة وختها ابتسام بعدما تم التحقيق معاهم وسمعو ليهم في قضية حمزة مون بيبي لي كان داير عصابة ديال التشهير والابتزاز.
بوسيل لي ساكنة في مصر نكرات أن الكونط سبق كتب عليها شي حاجة وبانت مترددة وهي كتجاوب. لكن، لي كان مقابل الحساب سبق وحط تصاورها مع راجلها ودوا عليها زوين وكان الحساب شن حرب على جليلة المغربية لأنها كانت كتربطها علاقة براجلها.
وكانت بسمة عمس ماقالت، من “المدللات” ديال حمزة مون بيبي، وكان ديما كيشكرها وملي يكون شي خلاف مع شي فنانة كان ديما كيجي من صفها.
وهاد الحساب ديال حمزة مون بيبي كانو عندو أسماء متخصص في سبهم والتشهير بيهم واسماء وشخصيات ديالو عاطيهم تيساع.