دراسة: العيالات كيعجبوهم الرجال الشايبين ولكن يكونو مازالين صغار

كشفات دراسة جديدة دارها سيت “ماتش” ديال التصاحيب أن 72 ٪ من العيالات كيشوفو الراجل لي عندو الشيب في شعرو بوكوص مقارنة مع الرجال لاخرين.
ونقلات الدراسة أن نسبة كبيرة من العيالات لي شاركو في الدراسة عبرو عن اعجابهم بالرجال لي عندهم الشيب، ولكن لي مازالين شباب وماشي شرفو وكبرو في العمر.
ووضحات الدراسة أن هاد النساء كيبغيو الرجال لي كيكون فيهم غير شوية ديال الشيب وماشي يكون راسهم كامل بيض. وأكدو أن الشيب كيدل على أن الراجل عندو واحد النضج وكيكون شرب عقلو.