شوهة “ولادكم عندنا وبناتنا عندكم”.. زينة الداودية مازال زايدة فيه بالطنز ديالها – تصويرة

المغنية زينة الداودية مازال طانزة على الفيديو ديالها في العاصمة السعودية الرياض لي دار جدل حقيقي بعدما قالت للجمهور السعودي “ولادكم عندنا وبناتنا عندكم”، وتفهم من كلامها أن بنات المغرب كيمشيو للسعودية من أجل ممارسة الدعارة ورجال السعودية كايجيو للمغرب باش يقصرو معاهم.
البارح الداودية حطات بوسط من مسرحية مصرية مكتوب على التصويرة “أي حد زعلان مني وعايز يحاسبني عليها.. يا ريت يحاسبني بالدولار”.
المغنية ديال الشعبي عوض تخرج ودير توضيح للفيديو لي متداول بشكل كبير وتأكد صحة ما نسب اليها أو تنفيه، كتفضل دير هاد الطنز العطري وتبقا طالقاها، ودايرة بالمثال لي كيقول “هبل تربح” وممسوقاش.