اللهم گرام دالزهر ولا كيلو دالعقل. سينا طالقاها تسرح ومحققة نجاح كيقلبو عليه الناس بالريق الناشف! – صور

سينا رجعات كتدير البوز في الانترنت هاد الأيامات، وحاليا خدامة على راسها وغادي اسيدي تخرج أغنية بالفيديو كليب ديالها.
آييه نعام آسي، فيديو كليب على حقو وطريقو مصور في تركيا، وهي غادي تجي بحال المغنية الأمريكية ديال الراب نيكي ميناج، لابسة الغوز وكاشفة على المؤخرة وليهونش.
بنت مراكش لي الناس مازال حايرين في أمرها، واش كتدير هاد التفلية بصح ولا بلعاني، خدامة بالمثل الشعبي لي كيقول “اللهم گرام ديال الزهر ولا كيلو ديال العقل”، هي طالقاها تسرح، وخدامة على راسها وبيخير.
سينا كانت غبرات هاد 3 سنين الأخيرة، ورجعات وهي والدة ومزوجة، دهشرات بنادم لي مفهم والو، وهي واخا تبقى كونيكطي 24/24 ماغيدي منها حتى واحد لا حق لا باطل.