ألم ومجد المودوڤار حيح ف”گويا”. بانديراس احسن ممثل: ما كاينش شي مخرج فهمتي بحالك

البارح السبت 25 يناير 2020 بمدينة مالگا ربح “ألم ومجد” لبيدرو المودوڤار 7 جوائز “گويا” للي كتنظمو الاكاديمية الاسبانية للسينما كل عام لاختيار احسن الابداعات فالفن السابع. كان الفيلم الحميمي عن حياة المخرج ينافس مخرجا عملاقا اخر وهو اليخاندرو امينابار في “رسالة الى فرانكو” =ترجمة الفيلم من الفرنسية=
“آلم ومجد” ربح “گويا” احسن فيلم و”گويا” احسن اخراج و”گويا” احسن سيناريو. كما كان متوقعا عادت جائزة “گويا” احسن دور رجالي للممثل الاسباني انطونيو بانديراس. ابن مالگا قال لصديقه اللي جسد دورو “تعلمت منك بزاف”. الممثل اللي كيخدم بزاف فهوليود سبق ولعب 8 المرات فافلام صديقو المودوڤار. هاد الشي علاش قال ليه باش خدا الجائزة “ما كاينش شي مخرج فهمني بحالك”.
بانديراس كيتنافس على جائزة اخرى عن نفس الدور٬ وهي الاوسكار اللي غادي يتوزع جوائزو ف9 فبراير المقبل فلوس انجلوس بامريكا.
الفيلم حميمي جدا. اوطوبيوغرافيا للمخرج دارها بلا قيود هاد النوع من الافلام، هاد الشي علاش خلاه يكون اكثر افلام المودوڤار شاعرية.