قيادة الحركة الشعبية ناضت للعنصر.. المكتب السياسي قاطع المؤتمر الجهوي دالمحمدية والعسالي كتوجد انقلاب كبير عليه

أزمة جديدة داخل البيت الداخلي لحزب الحركة الشعبية. البارح الأحد كان المؤتمر الجهوي للسنبلة بمدينة المحمدية، برئاسة الأمين العام امحند العنصر.هاد المؤتمر حسب مصادر حركية، ل”كود”، محضر ليه حتى شي حد من المكتب السياسي للحزب.
المصادر نفسها أوضحت ل”كود”، أن البرلماني العنصر حضر المؤتمر مع البرلماني ديال المنطقة فين كان المؤتمر، وعدد من الوجوه البارزة في الحزب قررت باش تقاطع هاد المؤتمر اللي دوز فيه العنصر بعض الرسائل.
وعلاقة بهاد الأزمة، علمت “كود” أن المرأة القوية داخل الحركة الشعبية، حليمة العسالي، خدامة على انقلاب كبير قد يعصف بالأمين الحالي للسنبلة، بعدما عاوناتو في عدد كثير من المحطات.
دبا كتوجد ليه وحتى راجل بنتها أوزين حد الاستقالة ديالو ووقف الأنشطة ديالو من الحزب اللي كلا لعصا بزاف فعهد العنصر. كيفاش السيد فشل يسيّر جهة بحال فاس مكناس وغادي يسير حزب. حزب خاصة وجوه جديدة وتكون شابة. هادشي اهضر عليه الملك في عدد من الخطابات الملكية ديالو.