تأكيدا لما نشراتو “كود”.. غاموندي مشرف عام للوداد ودوسابر فالطريق

تأكيد لما نشرته “كود”، سعيد الناصيري، رئيس الوداد البيضاوي قرر يتعاقد مع المدرب الأرجنتيني انخيل غاموندي، من أجل الاشراف على الإدارة العامة للفريق الأحمر.
وكشف مصدر مقرب، أن الوداد غادي يعين غانوندي مشرف عام ومسؤول مباشر على جميع فئات الفريق، في مرحلة أولى قبل تعيينه مدربا رسميا في العام المقبل، خصوصا أن القانون ديال الجامعة كيمنعو باش يدرب أي فريق فالموسم الجاري، بعد الانفصال عن حسنية أكادير.
غاموندي غادي يبلاصي البلجيكي بول بوت، ويبدأ في مهامه رسميا خلال الأيام القليلة المقبلة.
مصدر “كود” أكد بلي الناصيري كيخطط كيفاش يتخلص من المدرب الصربي زوران مانولوفيتش، لحقاش ما بغاش باغيه في الوداد ونادم على عدم إقالته بعد الخسارة أمام الرجاء البيضاوي في الديربي.
هاد المصدر أكد أن الناصيري كاينتظر اي عثرة للوداد، باش يعلن رسميا انفصاله عن المدرب الصربي، لهذا السبب دوسابر كاين فالدار البيضاء منذ اسبوع تقريبا وكايتابع الماتشات ديال الوداد.