باطما تضرب ليها راس العام. ما كاين لا احياء سهرات ومشاو ليها فلوس صحيحة بسباب “حمزة مون بيبي”

دنيا باطما تحدات ليها. بغات تنكر وتسب الصحافة اللي جبداتها وبيات تورطها فقضية “حمزة مون بيبي” دابا تأكد دورها. تقرر متابعتها من قبل قاضي التحقيق بمراكش بتهمتي “المشاركة في الولوج إلى المعالجة الآلية للمعطيات عن طريق الاحتيال، وبث أقوال وصور تمس بسمعة الغير دون الموافقة المبدئية للمعنيين بالأمر”. هاد المتابعة عندها تبعات على مستقبلها.
دابا هاد خيتنا ما غادياش تحيي حتي شي سهرة من سهرات اخر السنة. ما غادياش دور الناعورة وهي عطات 100 مليون سنتيم هي واختها ابتسام ككفالة.
هاد الشي غادي يكون عندو تبعات حتى على مستقبلها. دابا من هنا لشهر فبراير اللي غادية ترجع لعند قاضي التحقيق ما غادياش تبومبيها. لا سهرات لا جولات فنية لا والو. من بعد حتى حد ما يبقى يقرب منها. حتى برا غادية تاكل لعصا ماديا. قلبات عليها. نسات باللي هي من عائلة باطما وقوداتها واللي دار الدنب يستاهل لعقوبة. حتى افراد عائلتها اليوم ما غادينش يتعاطفو معاها