باطمة: الدنيا دوارة وملي غادي الرويضة دور الطايح غادي يكون كثر من النايض -تدوينات

في الوقت لي دنيا وابتسام باطمة باقات ملتازمين الصمت بعدما خرجو من التحقيق في قضية حساب “حمزة مون بيبي” لي كان دار عصابة ديال الابتزاز والتشهير والسب بين فنانين وناس عاديين، خرجات ختهم الصغيرة إيمان ببوسطات كتمعني فيهم.
وحطات إيمان جوج تدوينات في الستوريز ديال انستكَرام البارح السبت، فيهم كلام باللغة العربية الفصحة: “الحياة دوارة تصيب الظالم بما ظلم. الشامت بما شمت. المسيء بما ساء. لا تحزن ربك أعدل العادلين”، والبوسط الثاني فيه تصويرة ديال مانيج وكتبات عليها: “كنتسنا فاش غادي دور. الطايح كثر من النايض يا سلام”.
وكيف أكدنا في خبر نشرناه البارح في “كَود” دنيا باطمة وختها تم مواجهتهما مع البلوكَوز سكينة المشهورة بكَلامور لي جابوها من حبس مراكش لعكاشة، وكانت المواجهة أيضا مع المسماة سلطانة لي كانت ديما كتعاير في يوتوب.