الوداد بدا الميركاتو بكري.. بعد كركاش جاب شينة وكاسونگو والجمهور داير حالة للناصيري

الوداد البيضاوي بدا الميركاتو الشتوي بكري، بعدما تعاقد مع 4 ديال اللعابة دفعة واحدة، لينضم هؤلاء إلى الحارس عيسى السيودي، المجلوب من شباب المحمدية، لي وقع معاه الفريق مشحال هادي.
الوداد جاب سفيان كركاش من نهضة بركان، بعدما فشلات صفقة انتقالو في الصيف، وتعاقد مع محمد رحيم من الاتحاد البيضاوي ويوسف شينة من يوسفية برشيد وكزادي كاسونگو من شباب المحمدية.
ويبدو أن الوداد البيضاوي لن يكتف بجلب هؤلاء فحسب، بقدر ما غادي يزيد يتعاقد مع لعابة أخرين، باش يعوض مجموعة من اللعابة، لي مضروب بحال الشيخ كومارا وأشرف داري وصلاح الدين السعيدي وغيرهم، إضافة إلى أن المدرب الصربي زوران ما نولوفيتش ما بقاش مقتنع ببعض اللعابة.
الجمهور الودادي داير حالة لسعيد الناصيري، رئيس الوداد البيضاوي، في مواقع التواصل الاجتماعي، وزاد فصيل حلالة بويز أكد الغضب ديالو حتى هو عليه، وحمل للناصيري مسؤولية تراجع نتائج الفريق، خصوصا في الديربي أمام الغريم التقليدي الرجاء البيضاوي.
الوينيرز كايطالب بانتدابات قوية وفي مستوى الوداد البيضاوي وطلبو من الناصيري يتحرك قبل فوات ال0وان.