الرجا كيستعد للديربي بورقة الفلوس.. الزيات عطا اللعابة رزقهم باش يربحو الوداد

استعدادات الرجاء البيضاوي للديربي، لي غادي يجمعو بالوداد نهار الأحد الجاي بملعب مركب محمد الخامس فالدار البيضاء، برسم الدورة العاشرة من منافسات البطولة، ما اقتصراتش على الجانب التقني والتداريب فقط، بل امتدت إلى أمور أخرى متعلقة بالفلوس.
جواد الزيات، رئيس الرجاء فضل يعطي اللعابة رزقهم، لي مازال كيسالو من شحال هادي، خصوصا منحة للتوقيع وما شي كاملة.
علاش هادشي كامل، مصادر “كود”، أكدت بلي إدارة الرجاء بغات تحمس اللاعبين باش يكرروا سيناريو الديربي العربي، لي حققوا فيه ريمونتادا تاريخية على الوداد.
وأكثر من هادشي أن الزيات واعد اللعابة والطاقم التقني في الاجتماع معاهم بأنه غادي يعطيهم فلوسهم كاملة، لي كايسالو في الأيام القليلة القلدمة، منها البريم ديال التأهل لربع نهائي البطولة العربية والسوبر الافريقي، لي ربحوه العام لي فات، إضافة إلى البريم ديال التأهل لدور المجموعات من مسابقة دوري أبطال إفريقيا.