خاليلوزيتش: المنتخب مازال كايتبنا وبنعطية رأيو هاداك وانا متفق معه فشي حوايج

وحيد خاليلوزيتش، الناخب الوطني، أكد بلي المنتخب المغربي مازال كايتبنا من جديد بعدما مشاو عليه بزاف ديال اللعابة لي كانوا أساسيين.
وأكد خاليلوزيتش أن المنتخب الوطني خاصو شوا ديال الوقت باش يكون واجد مائة فالماية، لأن مرحلة إعادة التأسيس ما شي ساهلة “عيطت على 40 لعاب تقريبا وجربت 30 ومازال غادي نشوف لعابة أخرين”.
خاليلوزيتش أكد أن المنتخب المغربي كتنقصو الفعالية والنجاعة قدام الشبكة هادشي علاش كيضيع فرص كثيرة في الماتشات، خاصنا نخدموا على هاد الجانب.
الناخب الوطني عازم على الانتصار أمام الغابون اليوم الثلاثاء بملعب طنجة فالثمنية ديال العشية، خصوصا بعد التعادل ضد ليبيا ولي ماكانش راضي عليه.
عاود ارجع خاليلوزيتش وهضر على اللاعب المحلي، بالنسبة ليه مازال مامستعدش من الناحية البدنية واخا عندو الموهبة والتقنية.
أما فقضية التصريح ديال المهدي بنعطية، أكد خاليلوزيتش بلي هذاك رايو كيهمو بوحدو ونقدر نكون متفق معاه في شي حوايج، بحال البطولة المغربية ما فيهاش أكثر من 5 ديال الفراقي لي هما مزيانين.