من بعد ما مات مغربي فضيعة ديال الزيتون السلطات الاسبانية شدات مول الفيرمة

حالة وفاة أخرى تسجلات فالضيعات الفلاحية الأسبانية، وهاد المرة فمنطقة خايين الأسبانية، بعد تسجيل وفاة بالعافية فاقليم ويلبا مات فيها مغربي وتصيفطات مغربية للسبيطار.
الوفاة الجديدة وقعات لمغربي فضيعة ديال الزيتون لي وصل وقت جمع الغلة ديالو، حيث توفي مغربي عمرو 31 عام، فأول يوم عمل ليه، وخلال التحقيقات كتاشفات عناصر الحرس المدني أن السيد مول الضيعة كان مخدم الهالك بلا عقد عمل، لأنه أصلا ماعندو وراق.
المغربي البالغ من العمر 31 سنة، مات بنوبة قلبية، ومول الضيعة لاحو فالسبيطار وخلاه تما، هادشي لي خلا السلطات تدخلات وملي كتاشفات أنه خدمو بلا وراق عتاقلاتو.