سكوب. ياكما على قبالهم خرجات الخارجية مذكرتها. جوج ديبلوماسيات مغربيات تناتفو فسفارة باريس

علمت “كود” ان جوج ديبلوماسيات تناتفو وسط مقر سفارة المغرب بباريس قبل اسابيع. المصدر قال ان هاد الواقعة كانت قبل تعيين السفير شكيب بنموسى مكلفا باللجنة الخاصة باعداد مقترحات حول المشروع التنموي من قبل الملك محمد السادس. اي ان بنموسى كان فراسو هاد لخبار وما دار والو.
المصدر قال ل”كود” ان ديبلوماسية في التواصل ضاربات مع ديبلوماسية عندها علاقة بالعلاقات المتعددة الاطراف على شي خلاف.
هاد الشي بلغ طبعا للسفير اللي قال الله يسامح. يمكن تعيينو هو اللي خلاه ما ياخد حتى شي قرار فحق هاد الديبلوماسيات.هاد التناتيف جا قبل مذكرة خرجاتها الخارجية وفيها امور كثيرة منها كيفاش خاص الديبلوماسي يلبس ويتصرف ويتعامل وامور اخرى عندها علاقة بمهمتو كديبلوماسي.
واش هاد التنانيف عندوعلاقة بهاد المذكرة ولا بامور اخرى