النصب باسم المبادرة الوطنية للتنمية البشرية.. جمعوي هبطاتو النيابة العامة للحبس والقضاء استدعى 20 شاهد

فضيحة نصب كبيرة اهتزت على وقعها فعاليات جمعوية ومدنية في فاس. ففي تفاصيل هاد القضية المثيرة، فإن وكيل الملك لدى المحكمة الابتدائية بالمدينة، قرر مؤخرا متابعة أحد الجمعويين المعروفين بالعاصمة العلمية، في حالة اعتقال احتياطي، إلى جانب أربعة متهمين آخرين، من بينهما زوجته ووالدته.
وحسب المعلوامات التي حصلت عليها “كود”، فإن النيابة العامة بفاس تابعت عبد الإله الرّوخو، من أجل تهم تتعلق ب”التزوير واستعماله والنصب”، في قضية السوق النموذجي التابع للمبادرة الوطنية للتنمية البشرية الكائن بحي الزهور بمنطقة سايس.
وقالت مصادر مطلعة، ل”كود”، إن المعني بالأمر كان كيجيب ناس غرباء ويصوّب ليهوم شهادة السكنى باش يستافدو من محلات هاد السوق النموذجي. لكن السؤال كيبقى كيفاش كيجيب هاد شواهد السكنى, حقاش كما هو معروف أن شواهد السكنى كيكون فيهوم بحث من قبل أعوان السلطة باش عاد كيوقع ليهوم ممثل السلطة المحلية. هاد الملف باين غادي يخرج على شي وحدين.
وأفادت مصادر “كود” أن المحكمة الابتدائية في فاس قررت خلال الجلسة الأخيرة من محاكمة هاد الشخص اللي كينصب باسم العمل الجمعوي استدعاء عدد من الشهود فهاد الملف الثقيل، قدرتهم مصادرنا ب20 شخصا.