طبيب يهودي مغربي مات فظروف غامضة: مقرب منه ل”كود”: كان مريض وجاتو أزمة قلبية وغادي ندفنوه ففاس -صورة

طبيب يهودي مغربي مات صباح أمس الأحد. موت هاد الطبيب المعروف ف فاس خلفات صدمة دااخل الطائفة اليهودية المغربية، لا سيما أن الموت ديالو مزال غامضة, مصادر مقربة من الهالك أوضحت ل”كود” أن الطبيب “أرمونت كيكي” كان مريض.
وأضافت مصادر “كود”، إن الراحل (85 سنة) اللي عندو عيادة ف شارع محمد الخامس وسط فاس جاتو أزمة قلبية مفاجئة، مشيرة إلى أنه كان يعاني من مرض مزمن على مستوى القلب، وكان بصدد إجراء عملية على القلب، لكن السيد مات بعدما اخرج من مصحة الكوثر.
هاد الطبيب اليهودي المغربي اللّي كان عزيز بزاف على ناس فاس مات ف الرباط وغادي يدفنوه انهار الجمعة الجاية ف المقبرة ديال اليهود المغاربة لي كاينة فاس.