معطيات حصرية.. الشقة اللّي كان فيها زعيم الخلية المفكّكة اليوم قريبة من 6 فنادق مصنفة وها فوقاش دخلو المتفجرات والأسلحة

حصلت "كود" على معطيات حصرية حول الخلية الإرهابية الخطيرة التي تم تفكيكها، خلال الساعات الأولى من صباح اليوم السبت، بعدد من المدن المغربية، وحجز بشقة زعيمها مجموعة من المتفجرات والأسلحة والأصفاد البلاستيكية وغيرها.
ووفق ما كشفت عنه مصادر "كود"، فإن جميع المحجوازت أدخلت إلى العاصمة العلمية فاس قبل نحو أسبوع تقريبا. كما أن هاد الشقة اللّي كاينة فالطابق الأول =عمارة دنيا= اكتريت من قبل زوج وشريكة حياته، حيث اتضح أنهما قريبي زعيم الخلية المفكّكة. لكن واش كانو على علم بهادشي .. منعرف وهادشي اللّي غادي يبينو التحقيق ديال "البسيج".
واللّي خطير بزاف بزاف هو أن هاد الشقة اللي لقاو فيها هاد المتفجرات قريبة جدا من 6 وحدات فندقية تقع بشارع الجيش الملكي، الواقع فوق النفوذ الترابي لمقاطعة أكدال. وماشي غير هادشي الشقة تُحاذي حتى مقر الملحقة الإدارية أكدال ومركز للنداء في ملكية مواطن أجنبي.