سلمى رشيد حيرات الناس من بعد الولادة: رجعت لاطاي ديالي غير بالرضاعة الطبيعية

المغنية سلمى رشيد دغيا جمعات نوضة من بعد الولادة ورجعات للحفلات والسفر والتورناج والخدمة، وبانت في جميع هاد المحطات بوزن أقل واخة مازال مكملاتش 40 يوم باش ولدات.
المعلقيين والمتتبعين ديالها بقاو في كل مرة كتنزل شي صورة كيحطو نفس السؤال ويعاودو، وهو شنو السبب. البارح دارت لقاءات مع الصحافة وجاوبات على السؤال لي حيرهم وقالت أن الفضل في فقدان الوزن هو الرضاعة الطبيعية.
وأكدات سلمى أنها مدارت والو من غير المشي وترضع ولدها طبيعيا.