شكون يوقف مهدي بنكيران عند حدو.. عاود نفس الكذبة ديال 2014 فقضية الإماراتي والفيراري

في 2014 مهدي بنكيران لي كيقدم راسو كمرافق للمشاهير وداير في تعريف تطبيق true caller أنه من البروتوكول الملكي، كان حط تصويرة مع فيراري وقال أنه عطاها ليه أمير اماراتي ولكن هو مغاديش يركب عليها وغادي يبيعها ويصدق فلوسها على الأيتام.
بنكيران لي دخل عالم الشهرة من باب تشابه الأسماء مع رئيس الحكومة سابق ولي كان مستغل واحد صورة معاه، دار البوز بهاد الخبر وشوية مسح التصويرة وبقاو المقالات وسطاتوهات عليه دايعة.
هاد الكذبة ناض دار ليها احياء في 2019، وخرج هادي شهر بفيديو كيقول فيه عطاه اماراتي عندو مشاريع في المغرب فيراري ولي غادي يبيعها ومغاديش يحط فيها رجلو.
بحال هاد النوع ديال “المشاهير” لي عايشين بالزفوط هو لي كيخرج على الناس لي مازال صغار ومتبعينو. خاص لي يوقفو عند حدو، لانه بحالو بحال سفيان البحري مستغلين صفحاتهم لي كيحطو فيها صور العائلة الملكية باش يبقاو طالقينها على الناس وهادشي غير مقبول.