الراقصة مايا: جاوني عروض خيالية باش نفسد ورفضت.. ومانخليش الشطيح على قبل الحب

الراقصة مريم المشهورة بمايا دارت خرجة اعلامية جديدة دوات فيها على الفن والشطيح والحب.
المزابية قالت أنها بدات مسيرتها شحال هادي وكانت كتشد 200 درهم، وانها حاولات دير فرقة شطيح ديالها ولكن فشلات حيت الشطاحات لي معاها كيخافو يبانو في فيديوهات، ومنهم لي كتبغي تشطح وفي سيمانة تشهر وتولي تشد كاش صحيح بحالها.
الراقصة قالت أنه جاوها عروض خيالية باش تفسد ورفضات. وأكدات أنها مغاديش تفرق مع الشطيح، وأنه مايمكنش نهائيا تخلي الرقص على قبل راجل لأنه لي كيحبها يمكن ليه يبغيها وهي كتشطح ماشي يبدا يتشرط.