رجال الاعمال فسبتة كاعيين على السلطات لي مكتخليش لمغاربة يدخلو

رجال الأعمال فسبتة بداو كيتزيرو ديصح بسباب إغلاق معبر طاراخال، والحركة الاقتصادية عندهوم بدات كتجيف.
هاد رجال الاعمال السبتاوية قالو فبلاغ ديال منظمتهم أن كاع المدن الإسبانية كتقلب كيفاش تروج الحركة عبر جلب السياح، ولكن السلطات السبتاوية عوض ذلك كتسد المعابر فوجه السياح سواء من أبناء تطوان او من الناس لي عندهوم الفيزات وجايين يدوزو وقيتة زوينة فسبتة ويتقضاو لحوايج.
ومنذ إغلاق المعابر وتشديد الخناق على الوافدين على سبتة يعيش قطاع التجارة بالمدينة المحتلة أزمة اقتصادية حقيقية.