مضاربة بين جمهور سلا والجيش…البوليس شد 13 و7 ف السبيطار

مضاربة خايبة وقعات بين جمهور جمعية سلا والجيش الملكي فماتشات ديال البطولة العربية لكرة سلا، لي كينظمها الفريق السلاوي بتنسيق مع الاتحاد العربي لهاد اللعبة.
الاشتباكات وقعات برا من قاعة فتح الله البوعزاوي بين جمهور الفريقين، وتهرسوا طومبيلات وقلعوا كراسي ديال القاعة.
البوليس دخل بقوة وشد 13 لواحد من جمهور الجيش وجمعية سلا وطلق وحدين أخرين، لي ما عندهم دخل ف هاد الشغب.
هذه الأحداث أربكت اللجنة المنظمة خصوصا أن المسألة تتعلق ببطولة عربية من المفروض تشريف الرياضة المغربية.
جمهور الجيش، لي كاين بزاف منو ف سلا حضر لقاعة فتح الله البوعزاوي باش يشجع فرقتو كونتر الكويت الكويتي لكنه اصطدم بجمهور سلا، لي جا باش ينتقم على “لافير” قديمة، حسب مصدر مقرب.
هاد المضاربة والتراشق بالحجارة في الشارع العام أسفرت عن إصابة 7 ديال المشجعين بجروح، داوهم للسبيطار باش يداوو.
مصدر من جمعية محبي الجيش گال ل”كود” أن السلاويين هما لي تعداوا عليهم، وخاص هادوك لتشدوا يمشيوا للحبس باش يتردعوا.