منى الغضبان تاهمات راجلها المخرج يوسف خالد بنشر فيديوهات جنسية ديالهم.. خلصات فلوس صحيحة باش ميبقاوش فأنترنت

قضية المخرج المصري خالد يوسف مازال مبغاتش تسالي. بعدما حجزو عندو كثر من 200 فيديو جنسي مع ممثلات، خرجات طليقتو كتاهمو بتسريب فيديو جنسي ديالها هي وياه ملي كانو مزوجين بين 2010 و2014.
عمرو عبدالسلام، المحامي بالنقض، قدم بصفتو وكيل عن سيدة الأعمال منى الغضبان، ببلاغ رسمي للنائب العام المصري حمادة الصاوي، ضد المخرج السينمائي والنائب البرلماني المصري خالد يوسف.
البلاغ كشف أن منى تعرضات للابتزاز من مجهولين بعدما تنشرو الفيديوهات الجنسية ديالها وهادشي لي خلاها تعطيهم 61 ألف دولار باش يحبسو من نشرها في الانترنت وتحبس الشوهة.
وجا في البلاغ: "بعد انتهاء العلاقة الزوجية بين كنى ويوسف، تزوجات من من شخص آخر، لكن فوجئت في 2015 بقيام بعض الأشخاص المجهولي الهوية بتهديدها عبر رسائل هاتفية ومواقع التواصل الاجتماعي، وبرنامج (واتس آب)، بنشر صور خاصة بها وبالمبلغ ضده على فراش الزوجية، أثناء ممارسة العلاقة الحميمة داخل منزل المبلغ ضده بمنطقة العجوزة".
قضية المخرج مانعرفت باش غادي تسالي. ولحد الآن هو ناكر كلشي. خصوصا ان الفيديوهات الجنسية مافيهاش صوتو ولا وجهو، وكيبان غير وجه الممثلات والعضو الذكري ديال مول الفعلة.