الجمهور دخل للتيران من الربعة ومازال برا كيتسنا.. واستقبال كبير لمنتخبي المغرب وليبيا

جماهير الجهة الشرقية حضرات الملعب الشرفي في وجدة منذ الصباح وتدخلات للتيران من الربعة ومازال بزاف ديال المشجعين كيستناو على برا.
كاين لي عندو التيكي ديالو ومع ذلك لقا صعوبة باش يدخل، خصوصا مع اقتراب انطلاق الماتش.
البوليس فهاد المدينة لا يتساهل مع حتا واحد كيطبق التعليمات بحدافرها، ما بغيش يوقع فمشكل لا يحمد عقباها، لهذا كانت تدخلاتو صارمة.
علا برا كيتباع درابو ديال المغرب والكاسكيطات ديال المنتخب والأقمصة، المهم كاين الرواج.
مع الستة ديال العشية الملعب عمر كامل واللاعبون دخلوا الملعب تحت التصفيات بحالهم بحال لعابة ديال لبيبيا لي كانوا مرتاحين.
المهم أن الجمهور في نهارو وأرضية الملعب مزيانة وكاينتظر فقط الفرجة في هاد الماتش.