سكايري نعس فطاكسي.. وملي فاق جاتو الصدمة وصحابو طنزو عليه مزيان

شاب عندو 20 عام عيط على سيارة “أوبر” باش توصلوا لدارهم لي بعيدة على البار لي كان فيه بربع ساعة، لكن ولأنه كان شارب نعس في الطاكسي ومعقلش على راسو حتى فاق على وقع الصدمة.
وقالت صحيفة “ديلي ميل” ان جوزيف فيرجي نعس في طاكسي ومفاق حتى دازت 3 ديال سوايع ولقا راسو في منطقة بعيدة على دارو ب160 كيلومتر.
السيد معرفش راسو فإينا بلاصة وتصدم كثر ملي عرف انه خاصو يخلص 490 دولار للشيفور.
وباش يرجع لدارو كان خاصو تراجي ديال 7 دالسوايع في الطوبيس والتران.
صحابو بعدما عرفو القصة طلعوها عليه مزيان وشبعو عليه ضحك ومتيقوش شنو وقع ليه.