كون غير بقات ممثلة حسن.. بشرى أهريش فبرنامج مباشر قالت للستاتي: نت باقي برهوش -فيديو

التقديم حاجة بعيدة على الممثلة بشرى أهريش. السيدة كيف قلنا ف”كود” خاصها تكوين في التقديم قبل ما يحطوها في برنامج “هاشتاگ بيناتنا” في “ميدي 1 تيفي”.
View this post on Instagram
المجموعة الجميلة مع ضيف الغد في # بيناتنا @joodbayoumi @oussamabenjell @stati_abdelaziz @medi1tv @hashtagbinatna
A post shared by Bouchra hraich بشرى اهريش (@bouchra_hraich) on Sep 26, 2019 at 1:31pm PDT
في حلقة هاد السيمانة كان المغني الشعبي عبد العزيز الستاتي هو الضيف، سولوه على اللوك الشبابي لي ديما كيبان بيه، ونقزات بشرى تدخلات وقالت بكل ثقة في النفس وجملة مسرحة “باقي برهوش”.
هاد الكلام خلاها محط انتقاد وجدل في الصفحات لي قطعو الباساج وبقاو كيضحكو بيه ولا كينتاقدوه.
الستاتي لي معروف عليه ماعندوش مع الكاميرا وحتى الاجوبة ديالو كتكون مقطعة مع التدهشيرة ديال التصوير ماتفاعلش معاها وبقى مركز مع المنشط الثاني لي سولو.