لقجع واقف مع الأندية.. اجتمع مع مديرية الضرائب وكيقلب على تسهيلات

لقجع واقف مزيان هاد ليامات مع الأندية الوطنية، لي أصبحت ملزمة باداء الضرائب لصندوق الدولة.
رئيس الجامعة اكد، أنه اجتمع مع نائب مدير الضرائب، باش يساعد الأندية الوطنية في الحصول على تسهيلات في الأداء، خصوصا أن أغلبها كتعاني من قلة الإمكانيات المالية.
هاد الإصلاحات الضرورية والبحث عن تسهيلات، هي لي خلات لقجع يعطي أهمية لهاد الموضوع وياخد المبادرة بوحدو.
فوزي لقجع، أكد بلي الاجتماع كان مثمر وفعال، وأنه غادي يسهل المساطر الإدارية، خصوصا أن الأندية الوطنية غادية تحول للشركات الرياضية اعتبارا من الموسم الكروي الجاري. وأضاف رئيس الجامعة أن التحول إلى الشركات الرياضية هو الرهان، لي كتراهن عليه الجامعة في تطوير كرة القدم الوطنية.
هاد اجتماع المكتب المديري حضروه الاعضاء جداد والقدام، باستثناء عبد الحميد أبرشان، رئيس اتحاد طنجة، لي عاد دخلو لقجع للمكتب المديري ديال الجامعة فالجمع العام ديال الصخيرات.