ماتش الجيش والوداد.. البوليس شد 22 واحد على الشغب ديال الهراويين.. بينهم قاصرين وعندهم المواس والعصي والفروموجين

المديرية العامة للأمن الوطني أكدت ان 22 واحد تشد بعد الشغب، لي كان قبل الماتش ديال الوداد البيضاوي والجيش الملكي البارح فملعب مركب محمد الخامس في الدار البيضاء، ضمن سدس عشر نهائي كأس العرش.
المديرية دارت بلاغ وقالت فيه بلي المشتبه فيهم تم توقيفهم على متن اربع سيارات خاصة وبحوزتهم 21 شهاب ناري وموس من الحجم الكبير، وكميات كبيرة من الحجارة والقنينات ديال الزاج خاوية والهراوات والعصي، لي كانوا باغيين يدخلوها للملعب.
من هاد 22 فيهم خمسة قاصرين لي ضبطو عندهم الفريموجين وأسلحة بيضاء دون سند مشروع، من شأنها تهديد أمن المواطنين وسلامة المنش0ت الرياضية.
المديرية العامة للأمن أكدت، بلي الموقوفين الراشدين توضعوا تحت تدابير الحراسة النظرية، فيما تم الاحتفاظ بالقصرين تحت المراقبة.
هاد التوقيفات جات بعدما طاحت روح في منطقة الهراويين، بعدما كان الجمهور العسكري داخل الدار البيضاء باش يتفرج في الماتش ديال الكلاسيكو.