الرابور المغربي فرانش مونتانا نوض عليه النحل من الدواعش بسبب النقاب والخمار سيكسي في الكليب ديالو الجديد -فيديو

التصويرة لي اختار الرابور المغربي كريم خربوش المشهور بفرانش مونتانا ك”كوفر” او “ارت وورك” للالبوم الجديد ديالو لي سماه “مونتانا” وللكليب “ترايلر”، فيها هو گلس ودايرين بيه المنقبات لابسات لي بوط فالفحمر سيكسي.. ودارت هاد الكوفر البوز كثر من المؤخرات.
بزاف ديال الناس، خصوصا المتدعششين منهم، مافهموش الميساج ديالو من الصورة وانتاقدوه في استغلال المرأة المنقبة والمحجبة فالكليب ديالو.
الانتقادات وعلى قلتها خلات نقاش في التعاليق تحت الفيديو في لاشين يوتوب عندو، لي المغاربة حاضرين فيها بقوة وكيشجعوه حيت محمر ليهم الوجه فميريكان.
المليب في نهار ضرب نص مليون مشاهدة. ومونتانا فسر فلقاء صحافي انه بغى من خلال كليب “مونتانا” يخلط بين ثقافتو المسلمة فالمغرب وعيشتو فمريكان مابينالفقر والفلوس والشهرة.