ملي كتشبع الكرش كتقول الراس غني.. مول الملحة ناشط مع المغربي مونتانا (صور)

مول الملح فرح اليوم بزاف بزيارة الصديق ديالو، المغربي كريم خربوش، المعروف بفرانش مونتانا في ميريكان.
نصرت التركي الشهير برشة الملح بقى سهران هو ومونتانا تال الفجر، وملي شبعات الكرش قالت الراس غني وهوما يقلبوها شطيح.
وعلى عكس كريم، نصرن نشر بزاف ديال التصاور وقال بأنه فرحان بزاف حيت جا عندو خوه المغربي.
الناس لي مكيعرفوش كريم خربوش، هو ولد المدينة القديمة في كازا، مشا لميريكان صغير، وعاش الميزرية ودابة هو واحد من أغنى الأغنياء، وكان مصاحب مع خت كيم كاردشيان، قبل ما يقلبوها صباط ويتخاصمو وكل واحد شد طريقو.