الفساد لي فالكاف غادي يجمع إنفانتينو وأحمد أحمد مرة أخرى وهاد المرة فمراكش

جياني إنفانتينو، رئيس الاتحاد الدولي لكرة القدم اختار مدينة مراكش باش يعقد جولة أخرى لمناقشة الفساد، لي كاين بالاتحاد الإفريقي لكرة القدم فنونبر. دابا مازال ما حددوش النهار.
وهاد الفساد والتخرويض هو لي خلا إنفانتينو يعين فاطمة سامورا الأمين العام للفيفا باش توقف على حجم الخروقات، لي كاينة فهاد الجهاز القاري.
وهادي ماشي اول مرة كيختار إنفانتينو مراكش باش يناقش منظومة الكرة الإفريقية وسبل تطويرها، إذ سبق ليه العام الماضي ان عقد مناظرة فموضوع إصلاح الكرة الإفريقية فهاد المدينة.
الاجتماع ديال مراكش سبقو اجتماع اول كان في القاهرة، واسفر عن تشكيل لجنة رباعية باش تواصل بحثها وعملها، للوقوف على نوعية الفساد لي كاين في الكاف.
اللجنة كترأسها السنغالية فاطمة سامورا وكتضم جوج من الفيفا، وهما ماتياس، نائب الكاتب العام للاتحاد الدولي وفيرون مدير التطوير بالفيفا، وجوج من الاتحاد الإفريقي، وهما فوزي لقجع، رئيس الجامعة ونائب رئيس الكاف.
اللجنة الرباعية غادي تشرف على مختلف المجالات الرياضية من بينها التحكيم، والماركوتينگ والتعاقدات وتعديل المسابقات الإفريقية الخاص بالأندية والمنتخبات والنقل التلفزيوني.