تأكيدا لما كتبت “كود”.. الجعواني طار من بركان

تأكيدا لما انفردت به “كود”، المدرب منير جعواني طار من بركان هاد الصباح، بعد الإقصاء من كأس العرش أمام شباب خنيفرة.
مكتب نهضة بركان دار اجتماع عاجل وقرر إقالة المدرب حعواني، حيت ضيع على فرقتو فرصة ذهبية بالتاهل إلى دور الثمن.
سبب الإقالة ما شي منين تقصا فريق بركان، ولكن في فشل هاد المدرب في تسيير المباراة، بعدما كانوا البراكنة منتصرين بجوج لزيرو على بعد 15 دقيقة من نهاية الماتش.
وأكثر من ذلك ان هاد المدرب، لي معروف عليه بالتحنقاز في بون توش، خدا البطاقة الحمراء وطرد من الماتش، ليصبح أول مدرب كيتطرد بكارت روج بعد التعديلات الجديدة.
دابا الجعواني مشا بحالو وما عليه إلا يشكر بركان حيت عطاتو فرصة ذهبية ماكانش كيحلم بيها، وهي تدريب الفريق بالقسم الاول.
ودابا نهضة بركان كتفكر في مدرب جديد، وغادي يعقد المكتب المسير اجتماع اليوم في العاصر باش يعلن عليه. وبزاف مرشحين من بينهم جمال السلامي المدرب ديال المنتخب الوطني الشبان.