الشيخة الطراكس: واخا نموت فكاباري وانا كنشطح هانية.. الله بغى وانا ماكنخاف من تاشي حد وماكنتسوق لتاشي حد – فيديو

الشيخة الطراكس كانت دايرة لايف عبر حسابها الشخصي على انستگرام، والمتابعين ديالها كيعلقو وكيسولوها.
واحد من المتابعين، زعما قافز، سولها على موت الغفلة، واش غادي دير لا ماتت وهي كتشطح وسط كاباري، وهادشي طبعا ماشي بريء، المتتبع بغى يحرج الطراكس ويمعني ليها ان غناها وشطيحها حرام ويجبدلها النار والعذاب كأي متخلف عدو الفن والجمال والحياة.
الطراكس عطاتو جوابو بطريقتها، وقالت: “وها هي جات الموت على غفلة فكباري، الله بغى وهاديك راها قدرة الله، وحتى هادشي لي كندير فيه انا راه داخل فقدرة الله، وحتى هو على غفلة وهاهي غادية.. ماعرفت مال الناس عندهم انفصام فالشخصية، اللي بغاو كيگولو عليه مكتاب، واللي مابغاوش كيگولو لا ماخصهاش دير وماخصهاش تفعل .. وانا ماكنخاف من تاشي حد وماكنتسوق لتاشي حد، واللي قدر على شي حاجة يديرها..”