شحنة 26 طن دخلات باسم سفارتنا لباكستان بلا رسوم. سفير المغرب ما فراسو والو واخر ما دخل فراش الاقامة ومدير البروتوكول فخارجية اسلام اباد: ما وصلنا والو وطلبنا تحقيق

علمت “كود” ان سفير المغرب فباكستان محمد كرمون ماشي غير ما فراسو والو على شحنة 26 طن دخلات باسم سفارتنا الى هذه الدولة من ميناء جبل عل الاماراتي٬ بل حتى وزارة الخارجية الباكستانية ما عندها علم.
وفق مصدر “كود” فان السفير التقى مدير البروطوكول بالخارجية الباكستانية واخبره ان هاد الوزارة ما عندها علم بالشحنة اللي قيل باللي دخلات باسم المغرب ومعفاة من الرسوم الجمركية.
مصدر “كود” قال ان هناك تحقيق فتح فالسفارة المغربية واخا قالت الخارجية الباكستانية انها فتحته.
حسب معطيات حصلت عليها “كود” فان اخر شحنة دخلاتها السفارة لهاد لبلاد كانت لفراش ديال السفارة واللي ما فايتاش الفين كيلوغرام.
جريدة “باكستان اليوم” كانت كشفت ان ادارة الجمارك الباكستانية طلبت من الخارجية ديالها معطيات على شحنة باسم السفارة المغربية فيها 26 طن ومعفاة من الرسوم الجمركية واعتبرتها “اساءة استخدام الحصانة الديبلوماسية”.