سميرة سعيد كتدافع على سعد لمجرد: كنبغيه بزاف وهو غير مظلوم ومانقدرش نفصل عاطفتي من جيهتو

الفنانة سميرة سعيدة هدرات على علاقتها بسعد لمجرد، وعلى قضايا الاغتصاب اللي متاهم فيهم.
وقالت سميرة خلال استضافتها ببرنامج “توأم روحي” أن علاقتها مع سعد مزيانة وكيتهادرو ديما، وكتبغيه بزاف، واضافت : “هو إنسان خلوق وحشومي وشخصيتو مهذبة”.
وعلى قضايا الاغتصاب، قالت سميرة “هو مظلوم ومانقدرش نفصل عاطفتي من جيهتو”.
واكدات واخا هكاك سميرة انها ضد تعنيف المرأة بجميع أشكالو، وقالت انها كتدافع على حقوقها في حياة كريمة بلا سيطرة الرجل والطغيان ديالو.
الهدرة ديال سميرة فيها نوع من التناقض، حيت اللي كيدافع على المرأة وحقوقها ماخاصش يساهم فثقافة الاغتصاب بالدفاع على شخص متهم بيه، خاص يبقى محايد حتى تقول المحكمة اللي عندها.