بنكيران فرگعها مع الطالبي العلمي: سمح لي أ السي العلمي حيت قلت عليك وضيع.. أنت ماشي وضيع. أنت حقير

هاجم عبد الإله بنكيران، رئيس الحكومة السابق، بشدة رشيد الطالبي العلمي، وزير الشبية والرياضة، والقيادي في حزب التجمع الوطني للأحرار بالقول :”بنكيران للطالبي العلمي: “سمح لي أ السي العلمي حيت قلت عليك وضيع، أنت ماشي وضيع. أنت حقير”.
وأضاف بنكيران خلال استضافته في ملتقى شبيبة البيجيدي زوال اليوم بالقنيطرة، بالقول :”مالقيتي على من تغلب إلا على 200 طفل مشاو يعومو ف وادلو” في إشارة إلى منع وزارة الشبيبة والرياضة لمخيم أطفال جمعية الرسالة بواد لاو.
وعلق بنكيران على ذلك بالقول :”الى غلبوك الرجال ف الزنقة رجع للحايرة ف الدار”، موضحا :”إوا رجال هوما لي ردوك رئيس البرلمان واخا بيينتي انك ماكنتيش كتستحق، ومحشمتيش نايض كتقول العدالة والتنمية منين جاتها فلوس، سير اطلب من الوكيل العام يجي يقلبنا وهاد الدولة لي 40 عام وحنا معاها هاك وارا معرفاناش واعرفتينا غير انتا”.
مردفا :” ومكفاكش داكشي لي وقع لشباط، فاش اتهمني بالموصاد والنصرة، ومكفاتكش ديك البهدلة لي طرات لو ويمكن كاع فقدت رئاسة الحكومة بسببو ولهلا يردها”.
وتابع بنكيران :”واش عقلتي اسي الطالبي العلمي فاش جيتي عندي وقلت لي علاش مدرتينيش وزير، قلت ليك علاش اسي العلمي واش ماخبركش مزوار بلي اتفقنا انك تكون رئيس البرلمان”، مضيفا :”قلتي لي لا نتا لي كنتيق فيه”.