إسباني من ذوي الاحتياجات الخاصة طاح بكمية كبيرة ديال الحشيش في باب سبتة

في عملية نوعية، الديوانة والبوليس في باب سبتة اليوم ضبطو كمية كبيرة ديال الحشيش يقدر وزنها بأكثر من 345 كيلوغرام ديال الشيرا، جوج إسبان، واحد منهم من ذوي الاحتياجات الخاصة، بغاو يهربوها للمدينة المحتلة.
مصدر “كود” أكد أن الإسبان بغاو يقولبو الديوانة والبوليس ديال باب سبتة باستعمال طريقة مبتكرة في إخفاء المخدرات داخل سقف كارافان، كان كيسوقها مواطن إسباني وراكب معاه واحد من ذوي الاحتياجات الخاصة.
المصدر زاد أن هاد الشبكة بغات تقولب عناصر المراقبة عبر اللعب على الوتر العاطفي باستغلال وضعية الإسباني من ذوي الاحتياجات الخاصة لتسهيل عملية المراقبة، وهي الحيلة لي ما دازتش على المخزن في باب الديوانية.