النظام باغي يوظف الكورة باش يضرب الحراك. 28 رحلة فيها طيارات عسكرية من الجزائر لمصر باش ينقلو 4800 مشجع لماتش الفينال

الدولة الجزائرية باغية تستغل هاد الفينال ديال كأس افريقيا للامم باش تنقص من مسيرات الجمعة المطالبة باصلاحات سياسية وغد افضل للجزائر. الوزارة الاولى علنات البارح على اقامة جسر جوي باش ينقلو الجمهور للقاهرة لمشاهدة نهاية كأس افريقيا الجمعة الجاية بسطاد القاهرة.
28 طيارة فيها طيارات عسكرية لنقل 4800 مشجع. بيان الوزارة الاولى الجزائرية قال ان هاد الرحلات غادية تبدا ليلة الخميس إلى الجمعة القادمة، على أن يراعى في توزيعها إتاحة فرصة السفر لمؤازرة المنتخب الوطني لكل المواطنين من مختلف ربوع الوطن، لاسيما ولايات الجنوب”.
ووجدو كلشي وكلفو وزير الشبيبة والرياضة مع الاتحاد الجزائري لكرة القدم.
النظام باغي يوظف الكورة باش يربح عطف الشعب الجزائري اللي وصل اليوم للاسبوع 21 من الاحتجاجات. الغريب ان النهاية غادية تكون فنفس نهار الاحتجاج. هاد الحيلة موحالش تشد ليهم. الجزائريين عياو. باغيين يفرحو وباغيين العسكر يتنحى.