الممثلة المشهورة لي حصلات هي ومخرج فيلمها الجديد كيمارسو الجنس في كازا طلقوهم البوليس

فضيحة جنسية هزات الوسط السينمائي هاد اليوماين، وبطلتها الممثلة المشهورة “ن.و” لي حصلات متلبسة بممارسة الجنس مع مخرج فيلمها الجديد “س.خ” لي حتى هو معروف في حي گوتيي بكازا، فيها الجديد هاد الصباح.
مصدر اكد ل”كود” أن الممثلة هي والمخرج طلقوهم البوليس وغادي يتابعوهم في حالة سراح.
هاد الممثلة لي مشهورة بزاف، واخا غابرة وشحال مادارت شي عمل تلفزي، مزوجة برجل اعمال عايش في ميريكان، وهو لي شك فيها ودار شكاية عند وكيل الملك لي أمر باقتحام الشقة وحصلوهم.
هاد الخبر لي طرقات ليه “كود” سابقا نوض صداع كبير، وبزاف ديال الصفحات الفايسبوكية حطو تصويرة الممثلة والمخرج والقضية ولا فيها السبان والمعيور.