ايرفي رونار مدرب المنتخب المغربي لكرة القدم كان فيزيونير. تنبأ بكيفاش غادية تكون عليه عقلية اللعابة ايلى ربحو. هو تكلم على عقلية ناس شمال افريقيا اللي كيعرفها مزيان. درب فالجزائر ودرب فالمغرب وواجههم باش كان مساعد مدرب لغانا ومدرب لزامبيا ومدرب للكوت ديفوار. تعرف على لعابة من هاد الدول باش كان مدرب ففرنسا. هاد العقلية اللي خلات اللعابة ديال المنتخب البارح يبداو معطلين فالماتش. تصريحاتو فالندوة الصحافية بينات هاد التقليقة. قال باللي اللعابة فالشوط الاول بحال ايلى داخلين للتيران وشادين كارو بيديهم وكيلعبو وهدر فالندوة الصحافية بعد ماتش البارح ضد جنوب افريقيا على هاداك الشوط الاول “فالميطا اللولى كنا كي شي شيبانيين. كان ممكن تنزل عليها الكورة شي عقاب. كان ممكن النتيجة تتغير. كان خاصنا نلعبو 90 دقيقة ماشي 45 دقيقة. خاصنا نردو البال بزاف. راه سباق جديد يالله غادي يبدا. اللي ما نتابهش ما ردتش البال وما لعبش بشكل مناسب راه يتقولب” واوضح ان ثمن النهاية يقدر يجيب معاه اخبار خايبة.
