فتداريب الاسود اليوم بالقاهرة واللي تفتحات للصحافة 10 دقايق كان الجو مزيان. الجو بين اللعابة ماشي الجو الجو. لانو الحرارة كثيرة بزاف بزاف. واخا مع الستة مازال العافية شاعلة فالعاصمة المصرية. المورال طالع للعابة وبيناتهم كاينة روح مرحة وكاين جو من التفاهم كيف قالو وكيف بينتو للصحافة. اللاعب باعدي قال باللي ” المنتخب المغربي مستعد لمواجهة المنتخب الافواري. واوضح باللي هاد التشكيلة هي الللي لعبات مع الكوت ديفوار فابيدجان وربحاتها باش تأهلات لكأس العالم بروسيا 2018. باعدي اضاف باللي هاد المجموعة غادية تعاود تربح وانها غادية دير اللي فقوتها لتحقيق هاد الشي وتفرح لمغاربة. بخصوص الجو الصعيب قال باللي مولفين على الحرارة وما غاديش يكون لينا مشكل. واخا هاد التصريح راه الجو قاصح بزاف بزاف. كيفاش غاديين بجوج لفراقي يلعبو فجو بحال هادا
