“ماستر شيف سيليبريتي” قرب يكمل.. وها شكون ربح في الفنانين

هاد السيمانة غادي تكون الحلقة النهائية من برنامج “ماستر شيف سيليبريتي” لي كيدوز في دوزيم وفيه الفنانين والمغنيين والكوميديين.
المنافسة كانت قوية لكن لي دات اللقب حسب التبركيكة لي جابت “كود” هي الممثلة نورا الصقلي بطلة مسلسل “بنات لالة منانة”. هاد العام كانوا 4 ديال الحلقات عوض 5 و11 فنان ومغني عوض 10.
التورناج كان في “مازاگان”، والحيحة والنشاط ناضو ملي قال المخرج “فان دو تورناج”. والفكرة ديال البرنامج أن النجوم يدافعو على الجمعية لي داخلين باسمها.
ومن بين الفنانة المشاركين كاين: فاتي جمالي، البيكَ، امينوكس، ايهاب أمير، نورة الصقلي، نجاة رجوي، حماقة، رشيد رفيق وزيد وزيد.