عشا طوى صفحة نطحة الجماني لبنشماش. اتاصلو بيناتهم وتسامحو واخا رئيس مجلس المستشارين قولب برلماني الرباط

البارح تنظم عشا فدار ابراهيم الجماني برلماني البام اللي نطح حكيم بنشماش امين عام الحزب ورئيس مجلس المستشارين. لعشا كان بمبادرة من العربي لمحارشي وعبد الوهاب بلفقيه برلماني الاتحاد الاشتراكي وعدد من برلمانيي الحزب فالصحراء من البام ومن احزاب اخرى بالاضافة الى بعض قيادات البام.
خلال لعشا كانت الهدرة وسالا بتلفون من بورطابل محارشي لحكيم بنشماش وتكلم مع الجماني وطواو الصفحة.
بنشماش ما حضرش قالو عندو شي تسافيرة هاد الصباح. كيموت على السفر هاد بنشماش ياكما غادي لبريطانيا او غادي يوقف فيها باش يشوف بنتو.
حسب قيادة البام فان بنشماش هو اللي جبد العار. كان كلشي رشح الجماني اللي كان فاسبانيا باش يولي نائب رئيس مجلس النواب ولكن بنشماش قولب كلشي وهي فاش نطحو ورسلو للصبيطار.
بنشماش عارف راسو كلشي كارهو وهو يقبل الصلح واخا تضرب وقال لكود باللي مصدوم